Ang probinsya ng La Union o kilala din bilang “Elyu” ay isa sa pinakadinadayo ng mga turista sa Luzon. Ito ay dahil sa magagandang tanawin partikular na ang mga baybayin kung saan malalaki ang mga alon na matatagpuan dito. Ito ay binansagang “Surfing Capital of the North” matatagpuan sa rehiyon ng Ilocos.
Ang La Union ay maaaring puntahan ng kasama ang mga kaibigan o kaya naman ang buong pamilya bilang pang tanggal pagod at pati na rin sa pakikisama. Maraming maaaring aktibidad na gawin dito kagaya na lamang ng pag-surf, pagsakay ng bangka, pagbisita sa mga pook pasyalan at pagkain ng masasarap na potahe. Maaari din puntahan sa probinsya ng La Union ay ang San Juan kung saan maraming magagandang baybayin na matatagpuan dito.
Bakit nga ba dapat pasyalan ang La Union?
Matatagpuan dito ang mga lugar kung saan maaaring kumuha ng mga litrato lalo na sa henerasyon ngayon upang ito na rin ang paraan upang mahikayat ang mga nais bumisita sa probinsyang ito. Isa pang paktor kung bakit dapat bumisita sa La Union ay na rin sa mga Ilocano na bukas palad na tumatanggap ng mga bisita sa mga nagnanais na bumisita sa kanilang lugar. Dahil dito ay hindi lamang ang probinsya ang iyong pupuntahan kung hindi ay pati na rin ang mga mamamayan na mainit ang pagtanggap sa mga turista.
MGA POOK PASYALAN
Flotsam and Jetsam Hostel
Isa na sa pinakamagandang beach resort na matatagpuan sa San Juan, La Union ay ang Flotsam and Jetsam Hostel. Dito ay maaaring mag-surf o kaya naman ay kumuha ng magagandang mga litrato. Sa gabi naman ay maaaring makisaya sa mga musika na ipinapatugtog.
Bahay na Bato
Ang bahay na bato ay magandang pasyalan dahil dito itinatampok ang pagkamalikhain ng mga Ilocano. Ipinapakita dito ang mga
obra na maaaring kuhanan ng litrato.
Tangadan Falls
Ang Tangadan falls ay matatagpuan sa San Gabriel, La Union. Ito ay magandang aktibidad kung saan kinakailangan mag-hike upang makarating sa falls na ito. Pagkatapos ng nakakapagod na pag-hike dito ay magandang premyo ang iyong matatanggap na kung saan ay makikita ang magandang tanawin.
Magaganda ang tanawin, maraming aktibidad ang maaaring gawin, masasarap ang mga potahe at mainit ang pagtanggap ng mga mamamayan sa mga bisita kaya naman ay kung nagnanais na magpakalayo at magpahinga sa makabagong mundo ay tayo na at maglakbay sa ganda ng Elyu!
GANDA NG LA UNION 